MANILA, Philippines – Daan-daang volunteers mula sa iba’t ibang barangay ang nakilahok sa Fire Prevention Seminar na inorganisa ng Villar Foundation noong Huwebes, Marso 18, sa Las Piñas City.
Dinaluhan ang programa nina F/Sen. Cynthia Villar, Sen. Camille Villar, Bureau of Fire Protection – National Capital Region Senior Superintendent Archie Anduman, at Las Piñas City Fire Marshal Josephus Alburo, kasama ang ilang kinatawan mula sa Meralco, na nagpapakita ng matibay na pagkakaisa para sa kaligtasan ng komunidad at pagpapalawak ng kaalaman sa fire prevention.
Layunin ng seminar na mabigyan ang mga dumalo ng praktikal na kaalaman tungkol sa pag-iwas sa sunog, kahandaan sa panahon ng emergency, at tamang pagtugon sa oras ng insidente.
Nakatulong din ito sa pagpapalakas ng ugnayan ng mga komunidad at lokal na fire authorities, paghikayat ng kultura ng pag-iingat at kaligtasan sa antas ng barangay, at pagbibigay-kakayahan sa mga boluntaryo na maging aktibong tagapagtaguyod ng fire prevention sa kani-kanilang lugar. Cesar Morales
