7 plantasyon ng marijuana sa Benguet, sinunog

LA TRINIDAD, Benguet — Tuluyan nang sinunog ang pitong plantasyon ng marijuana na may tinatayang mahigit P10.6M na halaga na nadiskubre sa operasyon ng Police Regional Office Cordillera Administrative Region (PRO-CAR) laban sa ilegal na pagtatanim ng marijuana sa lalawigan ng Benguet.

Natuklasan ng mga operatiba ang pitong magkakahiwalay na plantasyon na natamnan ng 28,400 fully grown marijuana plants at nadiskubre rin ang 41,690 grams ng dried marijuana stalks with leaves and fruiting tops na may kabuuang Standard Drug Price na PhP10,682,800.00 sa Brgy. Kayapa, Bakun; Brgy. Pudong, Kapangan; at Brgy. Tacadang at Brgy. Badeo, Kibungan.

Ang mga operasyon ay naging matagumpay dahil sa pagtutulungan ng mga operatiba mula sa Bakun Municipal Police Station (MPS); Kapangan MPS; Kibungan MPS; Provincial Drug Enforcement Unit, Provincial Intelligence Unit, Provincial Special Operations Group, at Provincial Community Affairs and Development Unit ng Benguet Police Provincial Office; 1st at 2nd Benguet Provincial Mobile Force Companies; Regional Mobile Force Battalion 15; Special Operations Unit-CAR; Regional Intelligence Unit 14; at Philippine Drug Enforcement Agency-CAR.

Patuloy ang isinasagawang imbestigasyon ng pulisya upang matukoy ang iba pang posibleng taniman ng marijuana sa mga karatig na lugar, gayundin ang mga indibidwal na nasa likod ng ilegal na pagtatanim ng nasabing ilegal na droga. (Rey Velasco)