MANILA, Philippines – Nasa kabuuang 49 barko ng China ang namonitor sa ilang bahagi ng West Philippine Sea (WPS) sa nakalipas na linggo, ayon sa Philippine Navy nitong Martes, Marso 24.
Sa update, sinabi ni Philippine Navy spokesperson for WPS Rear Admiral Roy Vincent Trinidad na ang mga barko ng China ay namataan mula Marso 15 hanggang 22:
Bajo de Masinloc — 28 Chinese ships (9 People’s Liberation Army Navy (PLAN), 19 China Coast Guard vessels (CCG))
Ayungin Shoal — eight (three PLANs, five CCGs)
Escoda Shoal – five (three PLANs, two CCGs)
Pagasa Island — eight (one PLAN, seven CCGs)
Mas mataas ito kumpara sa 30 barko ng China na namonitor sa WPS features mula Marso 1 hanggang 8. RNT/JGC
