COLOMBIA – Patay ang 66 sa 125 sundalo at crew member na sakay ng isang Colombian military plane matapos mag-take off nitong Lunes, Marso 23.
Sa ulat, bumagsak ang C-130 Hercules aircraft matapos umalis mula Puerto Leguizamo, malapit sa southern border ng Ecuador at Peru.
Mayroong 58 sundalo ang nasawi kasama ang anim na air force personnel at dalawang pulis.
Iniimbestigahan na ng mga awtoridad ang sanhi ng pagbagsak.
Nagpahayag naman ng matinding kalungkutan si Defense Minister Pedro Sanchez sa insidente.
“It is a deeply painful event for the country. May our prayers bring some measure of comfort,” pahayag ni Sanchez.
Ayon kay General Carlos Fernando Silva Rueda, sakay nito ang 114 tropa at 11 crew member na bumibiyahe mula Puerto Leguizamo patungo sa kalapit na outpost sa Amazon.
“The airport is small and there are several difficulties” sa pagbabiyahe ng mga labi at ng mga nasaktan, ayon kay governor Jhon Gabriel Molina, ng Putamayo region. RNT/JGC
