MANILA, Philippines – Walang nanalo sa jackpot prizes ng major lotto draws ng Philippine Charity Sweepstakes Office (PCSO) nitong Lunes, Marso 30.
Ayon sa PCSO, walang nakahula sa tamang kombinasyon na 03-27-24-07-43-13 sa Megalotto 6/45 kaya nananatiling walang nakakuha sa P15,000,000.00 jackpot prize.
Gayundin, hindi rin napanalunan ang P45,000,000.00 jackpot ng Grand Lotto 6/55 matapos walang tumama sa winning combination na 27-34-31-54-23-03.
Isinasagawa ang draw ng Megalotto 6/45 tuwing Lunes, Miyerkules, at Biyernes, habang ang Grand Lotto 6/55 naman ay tuwing Lunes, Miyerkules, at Sabado. RNT
