MANILA, Philippines – Nagbabala ang Bureau of Immigration laban sa mga scammer na nananamantala sa dagsa ng mga biyahero ngayong Semana Santa.
Ito ay sa pamamagitan umano ng mga pekeng website na naniningil para sa electronic travel declaration system o eTravel ng pamahalaan.
Ani Viado, ang registration sa eTravel platform ay libre.
“The eTravel registration process is absolutely free. We strongly advise the public to register only through the official government website at etravel.gov.ph.”
Hinimok ni Viado ang mga biyahero na maging alerto sa pekeng website at online entities na nanghihingi ng bayad.
“These are clear cases of fraud. The public should not fall victim to these schemes, especially during the holiday rush,” sinabi ni Viado.
Ang mga pasahero na makakakita ng mga ganitong aktibidad ay maaari umanong magsumbong sa Cybercrime Investigation and Coordinating Center (CICC) sa pamamagitan ng official website nito.
Samantala, maaari namang makagawa ng eTravel registration ang mga biyahero sa pamamagitan ng eGovPH super app. ng pamahalaan. RNT/JGC
