MANILA, Philippines – Inanunsyo ng Department of Agriculture (DA) nitong Lunes, Abril 13 ang pamamahagi ng P75 milyong fuel assistance para sa mga mangingisda sa patuloy na pagtaas ng gastos sa produktong petrolyo.
Ayon sa DA, ang fuel assistance ay ipamamahagi sa mahigit 15,000 mangingisda sa pamamagitan ng Bureau of Fisheries and Aquatic Resources, kung saan inaasahang palalawakin ang programa sa pamamagitan ng karagdagang pondo sa ilalim ng Presidential Assistance Program for Farmers and Fisherfolk.
“(W)e are implementing immediate and sustained interventions to assist our farmers and fisherfolk in overcoming the challenges brought about by the energy emergency,” saad sa pahayag ni Agriculture Secretary Francisco Tiu Laurel Jr.
“These initiatives are designed not only to provide timely relief through fuel subsidies and logistics support, but also to strengthen our food systems by improving supply chain efficiency and expanding direct market access,” dagdag pa.
Ayon sa DA, pinalakas din nito ang Kadiwa selling activities para suportahan ang mga magsasaka sa Benguet at kalapit na probinsya na apektado naman ng oversupply at mahinang market absorption at mataas na transport cost.
Humiling na ang DA ng 38 trak na ipamamahagi sa farmers cooperatives and associations (FCAs) at local government units (LGUs) para sumuporta sa paghakot ng mga produkto, dagdag pa sa limang Kadiwa trucks ng regional office nito sa Cordillera Administrative Region (CAR). RNT/JGC
