MANILA, Philippines – Sinusuportahan ng DOLE ang mas pinaigting na pagsisikap ng gobyerno para tulungan ang mga OFW na apektado ng krisis sa Gitnang Silangan.
Sa ilalim ng administrasyon ni Pangulong Ferdinand R. Marcos, Jr., pinapalakas ang mga programa upang magbigay ng trabaho, kabuhayan, at pangmatagalang suporta para sa mga OFW at kanilang pamilya.
Noong Abril 15, 2026, idinaos ang “Bayanihan Para sa Balikbayang Manggagawa” sa Leyte National High School Gymnasium, kung saan direktang nakinabang ang mga repatriated OFWs sa mga serbisyong gaya ng job fairs, livelihood support, at social protection.
Ang DOLE Regional Office VIII ay nagbukas ng 664 lokal na trabaho, habang ang DMW ay nagbigay ng access sa 1,904 overseas job orders.
May 76 aplikante ang nagparehistro, at lima, kabilang ang dalawang OFWs, ang agad na na-hire.
Bukod dito, 12 OFWs ang kasalukuyang sumasailalim sa evaluation para sa “Kabuhayan Program” upang makatanggap ng puhunan para sa pangmatagalang negosyo.
Sa isa pang aktibidad noong Abril 6 sa Quezon City Hall, higit 500 OFWs ang nakinabang sa reintegration services tulad ng financial assistance, psychosocial support, skills training, at job opportunities.
Ang event na ito ay nagbigay ng access sa 8,000 trabaho, lokal at overseas, sa tulong ng recruitment agencies at local companies.
Ang mga programang ito, kabilang ang paggamit ng PhilJobNet sa eGovPH app, ay nagpapakita ng koordinadong suporta ng gobyerno upang matulungan ang mga OFW sa kanilang pagbabalik, mula sa agarang tulong hanggang sa pangmatagalang katatagan sa ekonomiya. Jocelyn Tabangcura-Domenden
