MANILA, Philippines – Kabilang ang isang US citizen na may Filipino descent sa mga nasawi sa engwentro ng militar sa Toboso, Negros Occidental, ayon sa National Task Force to End Local Communist Armed Conflict (NTF-ELCAC) nitong Biyernes, Abril 24.
Ang NTF-ELCAC “expresses its highest concern and deepest condolences to the family of the reported American citizen of Filipino descent who was among those killed in the recent armed encounters.”
“Initial information reaching authorities indicates that the 40-year-old individual was from California and was reportedly linked to Anakbayan-USA, a matter that must likewise be established through proper verification,” sinabi pa nito.
Sinabi ng task force na “full identification and circumstances remain subject to proper verification.”
Nitong Lunes, iniulat ng Philippine Army na 19 na umano’y miyembro ng New People’s Army (NPA) ang napatay sa serye ng mga engkwentro sa mga tropa ng pamahalaan sa Barangay Salamanca.
Pinabulaanan naman ng Apolinario Gatmaitan Command ng NPA ang impormasyon ng militar at sinabing maliit na bilang lamang sa mga napatay ang armed fighters at ang ilan sa mga ito ay mga sibilyan.
Kabilang sa mga sibilyan na napatay sa military operation ay ang magsasakang si Roel Sabillo at Bacolod-based journalist RJ Ledesma, ayon sa rebeldeng grupo.
Nitong Miyerkules, sinabi rin ng UP Diliman University Student Council (USC) na kabilang sa mga nasawi sa insidente ang student leader na si Alyssa Alano.
Nanindigan naman si Philippine Army spokesperson Colonel Louie Dema-ala na propesyunal ang naging aksyon ng mga sundalo ng 79th Infantry Battalion (79IB) at naaayon sa International Humanitarian Law. RNT/JGC
