JONES, Isabela – Sinalubong na ni kamatayan ang isang 10-anyos na batang lalaki at isang 15-anyos na dalagita matapos malunod sa ilog sa Brgy. Usol, Jones, Isabela.
Una rito, nagpaalam ang batang lalaki sa kanyang kuya na mangunguha ng mangga subalit hindi niya alam na nagkayayaan pala itong maligo sa ilog kasama ang kaibigan habang nasa barangay meeting siya.
Posibleng sa sobrang init ng panahon para maibsan sana at magpalamig sa ilog na maligo ay nauwi sa malahim na trahedya.
Natagpuan ng rescue team ang mga biktima sa gitnang bahagi ng malalim na parte ng ilog na wala ng buhay ng maiahon. REY VELASCO
