DOH, kinuwestyon sa nakatenggang health facilities na pinondohan ng taumbayan

MANILA, Philippines – Sinuri ng Komite sa Kalusugan at Demograpiya na pinamumunuan ni Senate Deputy Majority Leader Risa Hontiveros nitong Lunes, Mayo 11, 2026, ang Health Facilities Enhancement Program (HFEP) ng Department of Health (DOH).

Sa pagdinig, ipinabatid ng senadora ang mga alalahanin hinggil sa malaking agwat sa pagitan ng opisyal na ulat ng mga proyekto at aktwal na kondisyon ng mga pasilidad sa lupa.

Sa pagdinig, kinuwestyon ng mga senador ang DOH kung bakit maraming proyektong pinondohan ng gobyerno ang nananatiling hindi gumagana, abandonado, o hindi maayos na namomonitor sa kabila ng malaking pondo mula sa publiko.

Layunin ng imbestigasyon na tugunan ang mga sistematikong isyu gaya ng hindi pagtupad ng mga kontratista at umano’y interbensyong politikal, upang matiyak ang mas malinaw at patas na paghahatid ng serbisyong pangkalusugan. RNT