VFA sa Canada at New Zealand, sinuri sa Senado

MANILA, Philippines – Tinalakay ng Senate Committee on Foreign Relations na pinamumunuan ni Senator Erwin Tulfo nitong Mayo 11, 2026 ang status ng Visiting Forces Agreements (SOVFAs) ng Pilipinas sa Canada at New Zealand.

Sinuri ng mga senador ang mga bagong ratipikadong kasunduan upang matiyak ang kapwa-pakinabang at pananagutan, at kung tunay na makikinabang ang Pilipinas sa naturang mga partnership.

Ang mga SOVFA ay nauna nang pinagtibay ni Pangulong Ferdinand “Bongbong” Marcos Jr. noong Marso para sa Canada at Abril para sa New Zealand.

Tinalakay din sa pagdinig ang ASEAN Treaty on Extradition na inaprubahan ng Pilipinas noong Abril bilang bahagi ng pangunahing agenda ng komite.

Dumalo sa pagdinig sina Department of National Defense Secretary Gilbert Teodoro at Armed Forces of the Philippines Chief of Staff Romeo Brawner Jr.. RNT