MANILA, Philippines – Sinabi ni Interior Secretary Jonvic Remulla nitong Martes na “all evidence points that there was no attack on the Senate” kaugnay ng insidente ng putukan sa Senado noong Mayo 13.
Ayon sa ulat, noong Miyerkules, nagpaputok ang mga tauhan ng Senate security at isang empleyado ng National Bureau of Investigation (NBI) sa gitna ng tensyon sa Senate complex, dahilan upang magtago ang mga mambabatas sa kanilang mga opisina.
Ipinakita ni PNP chief Jose Melencio Nartatez Jr. ang timeline ng insidente, at binanggit na bandang hapon ng Mayo 13, dumating ang mga NBI agents sa katabing GSIS office upang “fortify the security of the GSIS.”
Ayon kay Remulla, “None of the NBI agents had tactical gear with them… They did not have a battering ram, they did not have provisions…to breach any door,” ayon sa kanya. RNT/MND
