MANILA, Philippines – Pormal nang nanumpa sa tungkulin si Kim Robert De Leon bilang bagong Kalihim ng Department of Budget and Management (DBM) sa harap mismo ni Pangulong Ferdinand Marcos Jr.
Nanumpa sa tungkulin si De Leon sa Palasyo ng Malakanyang, isang araw matapos na ianunsyo na siya ang napisil ng Pangulo para pumalit kay Rolando Toledo.
Ayon sa Presidential Communications Office, nauna nang nagsilbi si De Leon bilang DBM undersecretary mula 2021 hanggang 2022, pinangasiwaan ang Organization and Systems Improvement Group at ang Information and Communications Technology Group.
Sa kalaunan ay nagsilbi siya bilang undersecretary for administration and finance sa Department of Transportation (DOTr) mula 2022 hanggang 2024.
Sa akademya, nagtrabaho si De Leon bilang assistant professor sa University of the Philippines National College of Public Administration and Governance (UP-NCPAG), kung saan itinuro nito ang mga kurso na may kinalaman sa governmental accounting, auditing, local government administration, at regional administration. (KRIS JOSE)
