MANILA, Philippines – Walang inilabas na utos ang Korte Suprema na nagpapahintulot nang ipatupad ang warrant of arrest ng International Criminal Court.
Ito ang binigyang-diin ni Atty. Israelito Torreon, abogado ni Sen. Bato Dela Rosa, matapos ilabas ng SC noong nakaraang linggo ang press briefer na nagbasura sa kanilang hiling na temporary restraining order.
Sa social media post, tinanong ni Torreon kung may sinabi ba ang SC na actionable na ang ICC warrant.
Kinuwestyon din ng legal counsel ni Dela Rosa kung bakit ipatutupad na ang warrant gayonf ang inaksyunan pa lamang ng Korte Suprema ay provisional remedy pa lamang at hindi ang main case.
Ayon kay Torreon, hindi dapat pangunahan ang Korte Suprema. Jocelyn Tabangcura-Domenden
