MASBATE CITY – Isang walong-buwang gulang na sanggol at dalawa pang katao ang nagtamo ng first-degree burns matapos tamaan ng kidlat habang sakay ng bangka sa Masbate City.
Base sa imbestigasyon, pauwi na ang mga biktima nang abutan sila ng malakas na hangin at buhos ng ulan. Habang papalapit sa Tubungan Fort, tinamaan ng kidlat ang payong ng babaeng may kargang sanggol.
Tinamahan din ng kidlat ang lalaking kasama nila, ayon sa kamag-anak ng isa sa mga biktima.
Agad na isinugod sa ospital ang tatlo at kasalukuyang nasa ilalim ng obserbasyon. Mary Anne Sapico
