9 sa 11 akusado sa Bulacan flood control case, nasa kustodiya na ng DILG

MANILA, Philippines – Kinumpirma ni Interior and Local Government Secretary Jonvic Remulla nitong Lunes na nasa kustodiya na ng awtoridad ang siyam sa 11 akusado sa flood control controversy sa Bulacan matapos ma-isyuhan ng arrest warrant.

Sa isang ambush interview, pinangalanan ni Remulla ang mga naaresto na sina:

• Cezarah Rowena Cruz Discaya

• Pacifico “Curlee” F. Discaya II

• Merg Jaron Caparas Laus

• Brice Ericson Diaz Hernandez

• Jaypee De Leon Mendoza

• Norberto De Leon Santos

• Juanito Coronel Mendoza

• Floralyn Yutuc Simbulan

• Ma. Roma Angeline Discaya Rimando

Samantala, nananatiling at-large ang dalawa pang akusado na sina Ernesto Galang at Lorenzo Pagtalunan.

“Hintayin ninyo na lang yung commitment order ng judge natin kung saan sila ikukulong … kung saan ikukulong si Curlee. Pero in all probability, dito rin sa Bulacan sila makukulong,” ani Remulla.

Ayon sa DILG, ang mga akusado ay nahaharap sa kasong violation of Section 3(e) ng Anti-Graft and Corrupt Practices Act at malversation of public funds through falsification of public documents. RNT/MND