MANILA, Philippines — Tinawag ng Department of Foreign Affairs na isang “unfriendly act” ang pagpapataw ng China ng sanctions laban kay Defense Secretary Gilberto Teodoro Jr. at sa kanyang pamilya.
“While the imposition of sanctions is China’s sovereign prerogative, the Philippines views it as an unfriendly act that further complicates the bilateral relations,” ayon sa DFA.
“Such measures do not contribute to building mutual trust, managing differences responsibly, or creating the conditions necessary for constructive engagement between our two countries,” dagdag nito.
Nauna nang inanunsyo ng foreign ministry ng China ang sanctions laban kay Teodoro, sa kanyang asawa, at anak, na nagbabawal sa kanila na makapasok sa mainland China, Hong Kong, at Macau.
Ayon sa Beijing, si Teodoro ay “repeatedly made erroneous remarks concerning China” na umano’y nakasama sa “legitimate interests” ng China at sa ugnayan ng dalawang bansa.
Sinabi rin ng China na ipinatupad ang hakbang upang “safeguard China’s national sovereignty, security, and development interests,” ngunit hindi nito tinukoy kung aling mga pahayag ni Teodoro ang naging dahilan ng sanctions.
Wala pang agarang pahayag ang kampo ni Teodoro kaugnay ng usapin. Dave Baluyot
