MANILA, Philippines – Nagpaabot ng pakikiramay ang Apostolic Nuncio at Dean of the Diplomatic Corps na si Archbishop Charles John Brown sa mga biktima ng magnitude 7.8 na lindol sa Mindanao na tumama noong Hunyo 8.
Sa kanyang talumpati sa Vin d’Honneur sa Malacañang noong Biyernes, sinabi niya: “I do so very conscious of the devastating earthquake which struck southern Mindanao just four days ago, with loss of life and serious injuries for many people,” at inihayag ang pakikiisa ng Diplomatic Corps sa mga naapektuhan.
“In the name of the Diplomatic Corps, allow me, Mr. President, to express our sincere condolences to you and to all the people of the Philippines on this tragedy. We stand with the people of Mindanao in this difficult time,” dagdag niya.
Ayon sa ulat, umabot na sa mahigit 50 ang nasawi dahil sa lindol.
Sa parehong okasyon, binati rin ni Brown ang Pilipinas sa Araw ng Kalayaan at pinuri ang katatagan at determinasyon ng mga Pilipino sa harap ng mga pagsubok.
Binigyang-diin din niya ang kahalagahan ng multilateralism at diplomasya, at pinuri ang pamumuno ng Pilipinas sa ASEAN at sa United Nations.
Ayon sa kanya, mahalaga ang pagpapatatag ng pandaigdigang kooperasyon, kapayapaan, at pagrespeto sa territorial integrity sa gitna ng tumitinding tensyon sa mundo. RNT/MND
