MANILA, Philippines — Nagdeklara sina Vice President Sara Duterte at kanyang asawang si abogado Manases Carpio ng pinagsamang net worth na P98.6 milyon sa kanilang 2025 Statement of Assets, Liabilities and Net Worth (SALN), ayon sa mga dokumentong inilabas noong Lunes.
Mas mataas ito kumpara sa naunang deklarasyon ng mag-asawa, kung saan malaking bahagi ng kanilang mga ari-arian ay mula sa mga real property, investments, at iba pang personal na asset.
Nakasaad din sa SALN ang kanilang mga pananagutan at financial interests alinsunod sa mga umiiral na patakaran sa pagsisiwalat ng yaman ng mga opisyal ng gobyerno.
Isinumite ng Bise Presidente ang kanyang SALN bilang pagsunod sa taunang requirement para sa mga pampublikong opisyal. Ang dokumento ay naglalaman ng kabuuang halaga ng mga ari-arian, pananagutan, at mga interes sa negosyo ng opisyal at kanyang asawa.
Patuloy na kabilang si Duterte sa mga mataas na opisyal ng pamahalaan na inaatasang magsumite at magsapubliko ng kanilang SALN bilang bahagi ng transparency at accountability sa serbisyo publiko. Santi Celario
