MANILA, Philippines – Nasa mga senador na ang pagpapasya kung paano maibabalik ang kaayusan sa Senado bago ang special session na ipinatawag ni Pangulong Ferdinand R. Marcos Jr., ayon sa Malacañang nitong Martes.
Sa ilalim ng Proclamation No. 1318, ipinatawag ng Pangulo ang isang special session ng Kongreso sa Hunyo 17 upang mapabilis ang pagtalakay sa mga hakbang para sa social protection sa gitna ng mga hamon sa enerhiya at mga kamakailang kalamidad.
“The President wants order in the Senate because they really need to get to work. So that is in their hands,” pahayag ni Palace Press Officer Claire Castro sa isang briefing sa Kazan, Russia.
Sinabi ni Castro na nagawa na ng Pangulo ang kanyang tungkulin sa pamamagitan ng pagpapatawag ng special session at nasa mga senador na kung tutuparin din nila ang kanilang obligasyon.
“As of now, the President has fulfilled his obligation. He called a special session, and it is now in the hands of the senators whether they will also fulfill their obligation,” aniya.
Tinawag din ng Malacañang na magandang balita ang pahayag ni Sen. Panfilo Lacson na handa ang majority bloc sa Senado laban sa anumang umano’y “dirty tricks” na maaaring gawin ni Sen. Alan Peter Cayetano sa panahon ng special session.
“We know that they should be professional, and they are senators who understand their duties and responsibilities,” sabi ni Castro.
“If they are prepared for Sen. Alan Cayetano’s dirty tricks, that is good news, because perhaps we have already seen, even before, what Sen. Alan Cayetano’s actions have really been—not only here in the Senate but also in the House of Representatives,” dagdag niya.
Tinukoy ni Castro ang nangyaring sigalot sa liderato ng House of Representatives noong 2020 kaugnay ng term-sharing agreement sa speakership sa pagitan ni Cayetano at dating Marinduque Rep. Lord Allan Velasco. RNT
