MANILA, Philippines – Tinitingnan ng gobyerno ng Pilipinas, sa pamamagitan ng Department of Information and Communications Technology (DICT), ang mas malakas na ugnayan sa Republic of Poland sa larangan ng digital transformation.
Sa isang Facebook post, sinabi ni DICT Secretary Henry Aguda na sa idinaos na pagpupulong ay binigyang-diin ang halaga ng mas matatag na kooperasyon ng Pilipinas at Poland sa pagtatayo ng matibay na digital infrastructure, pagpapalawak ng digital inclusion, at pagpapalakas ng cybersecurity capabilities.
Nakapulong ni Aguda sina Katarzyna Wilkowiecka, Chargé d’Affaires a.i. at Ambassador-designate of Poland to the Philippines, at First Secretary Paweł Nowacki sa tanggapan ng DICT sa Quezon City noong Miyerkules.
“We exchanged insights on artificial intelligence, digital government, and cybersecurity, and explored how both countries can learn from one another’s experiences,” ani Aguda.
“Through partnerships and knowledge-sharing, we can help create more opportunities for innovation and inclusive growth for our people,” aniya.
Nagpahayag naman si Aguda ng kahandaang higit pang palakasin ang partnership sa pagitan ng dalawang bansa.
“I look forward to further strengthening the partnership between the Philippines and Poland and fostering collaboration that supports our shared vision of a secure, innovative, and digitally empowered future,” dagdag ni Aguda. (Kris Jose)
