‘Sinira locker, pinasok ang bahay’—Policewoman sa pagkakuha ng pamangkin sa baril

MANILA, Philippines — Iginiit ng policewoman na may-ari ng baril na ginamit ng 14-anyos na suspek sa pamamaril sa isang paaralan sa Tacloban City, na ilegal na pumasok sa kanyang bahay ang kanyang pamangkin at puwersahang binuksan ang locker kung saan nakalagay ang baril.

“Nash unlawfully entered my own house. It’s not a room, po—it’s my own house,” ani PSSg. Arla Ray Pacencia.

“He forcibly damaged my locker. It was locked. My house was locked as well, po.”

Sa pagdinig ng Senado, inamin ni Pacencia na plastic lamang ang gun box na pinaglagyan ng kanyang baril at hindi safety vault na siyang pamantayan sa tamang pag-iingat ng mga armas.

“Yung standard po ay safety vault, but it was in good faith that I believed it was safe at that time since I am the only one staying at my own house,” ayon sa policewoman.

Ayon kay Pacencia, naniwala siyang ligtas ang kanyang baril dahil siya lamang ang nakatira sa kanyang bahay. RNT