MANILA, Philippines – Matagumpay na nakapagsagawa ng test missile launch ang China sa Pacific Ocean nitong Lunes, Hulyo 6.
“At 12:01 pm on July 6, a strategic nuclear submarine of China’s People’s Liberation Army Navy successfully launched a… strategic missile carrying a training simulation warhead into the relevant high seas of the Pacific Ocean, accurately landing in the designated sea area,” saad sa pahayag ni spokesperson Wang Xuemeng.
“This missile test launch is a routine arrangement of China’s annual military training, and relevant countries were informed in advance,” dagdag ni Wang.
Ang paglulunsad ay sa kaparehong araw na nagsimula ang China at Russia ng kanilang taunang joint naval exercises sa Qingdao, isang major military port at seaside resort sa China.
Hindi naman malinaw kung ang missile launch ay bahagi ng drill.
Bago nito ay sinabi na ng foreign minister ng Papua New Guinea, at New Zealand government na naghahanda ang China na mag-test fire ng isang nuclear-capable missile sa Pacific Ocean.
“Yes, China has briefed me. I was personally called by the Chinese ambassador,” sinabi ni Papua New Guinea Foreign Minister Justin Tkatchenko nang tanungin kung ito ay nabalaan sa missile launch.
Sinabi rin ng New Zealand government na inalerto rin sila ng China kaugnay sa intercontinental ballistic missile test.
Hindi pa malinaw kung saan babagsak ang missile. RNT/JGC
