MANILA, Philippines – Pinaigting ng Department of Health – Center for Health Development (DOH-CHD) sa Bicol ang health education, pakikipag-ugnayan sa mga lokal na pamahalaan, at koordinasyon sa iba’t ibang ahensya para mas mapataas pa ang coverage ng deworming sa mga bata at kabataan, kasunod ng mga nakamit sa mass deworming campaign ng rehiyon.
Sa isang press conference nitong Miyerkules ng hapon, Hulyo 8, sinabi ni DOH 5 (Bicol) Regional Integrated Control Program Coordinator Darryl Balane na umabot sa 80.25 porsyento ang kabuuang coverage ng deworming sa rehiyon noong January 2026 round, mas mataas kumpara sa 71.94 porsyento noong July 2025.
Ayon kay Balane, naabot ng kampanya ang halos 1.79 milyon sa tinatayang 2.23 milyong target beneficiaries ng rehiyon na may edad na isa hanggang 19 taon.
Mas mataas ito kumpara sa nakaraang round at papamagitan na sa target ng programa na hindi bababa sa 85 porsyento ng coverage.
Hinihikayat din ng DOH-5 ang mga local government unit na dagdagan ang pondo para sa deworming activities, magbigay ng refresher training sa mga bagong itinalagang coordinator, palakasin ang health education sa paaralan at komunidad, at pagtibayin ang ugnayan ng mga paaralan at health offices.
Dagdag pa niya, isa sa mga prayoridad ng kagawaran ang pagpapabuti ng pag-unawa ng mga magulang sa kahalagahan at kaligtasan ng deworming para mas tanggapin pa ang programa. Jocelyn Tabangcura-Domenden
