MANILA, Philippines – Limao katao ang nasawi habang anim ang nawawala sa landslide dulot ng malakas na pag-ulan sa Barangay Ngingir sa Calanogas, Lanao del Sur, nitong Biyernes, Hulyo 10.
Nangyari ang landslide alas-2:30 ng umaga kung saan natabunan ang ilang mga bahay.
Ayon kay Police Regional Office Bangsamoro Autonomous Region spokesperson Police Captain Steffi Salanguit, agad na nagdeploy ng mga tauhan ang Calanogas Municipal Police Station para sa search, rescue, at retrieval operations.
Nasira rin ang kalsada dahil sa landslide at napilitan ang mga first responde na maglakad ng 10 kilometro bago maabot ang disaster site alas-6 ng umaga.
Kinumpirma ng mga awtoridad na lima an nasawi, dalawa ang sugatan at anim ang nawawala. RNT/JGC
