MANILA, Philippines – Sinabi ni Pangulong Ferdinand R. Marcos Jr. na tutulong ang MTerra Solar Project, pinakamalaking operational integrated solar-and-battery facility ng bansa pagdating sa single site, na isanggalang ang Pilipinas mula sa global energy shocks sa pamamagitan ng pagbabawas sa pagsandal sa imported fossil fuels at palakasin ang long-term energy security ng bansa.
Sa katunayan, pinangunahan ni Pangulong Marcos ang inagurasyon ng MTerra Solar Phase 1—ang pinakamalaking operational integrated solar at battery energy storage facility sa iisang lokasyon sa buong mundo.
Layunin nitong palakasin ang suplay ng malinis na enerhiya, suportahan ang mas matatag na power grid, at makatulong sa pangmatagalang seguridad sa enerhiya ng bansa.
Patuloy naman ang pagtutulak sa mga proyektong naglalayong magbigay ng mas maaasahan at mas napapanatiling enerhiya para sa bawat Pilipino, tungo sa isang mas maunlad na Bagong Pilipinas.
Sinabi ni Pangulong Marcos na ang coal o karbon ay mayroong 57% ng electricity generation ng bansa noong nakaraang taon, habang ang renewable energy ay nakapag-ambag ng 25% lamang.
“Such an energy mix leaves us more vulnerable to fluctuations in global fuel prices and developments in the international market, as we have experienced in the last few months,” ang winika ng Pangulo.
“It underscores the importance of diversifying our energy sources and how we must be committed to moving that mix in the direction to favor renewables,” aniya pa rin.
Kinikilala ang panganib na dulot ng matinding dependensiya sa imported fuel, sinabi ni Pangulong Marcos na pinabilis naman ng administrasyon ang pamumuhunan sa renewable energy para makapagtatag ng “more resilient at reliable power system.”
“This MTerra Solar Project stands as one of the clearest expressions of that commitment,” ayon sa Pangulo, dinebelop ng Terra Solar Philippines Inc., kaakibat ng Meralco PowerGen Corp., sa pakikipagtulungan sa global infrastructure investor Actis, saklaw ng proyekto ang limang munisipalidad sa Nueva Ecija at Bulacan.
“Phase 1 has already energized 1,373 megawatts (MW) of solar photovoltaic capacity and 825 MW of battery energy storage,” ayon sa ulat.
Ayon sa Pangulo, ” Phase 1 has reached about 91 percent completion and is expected to begin full commercial operations by August, while Phase 2 is targeted for completion next year.”
Sa oras na maging ganap na operational, makapaghahatid ang proyekto ng 3,500 MW ng solar power na suportado ng 4,500 megawatt-hours ng battery storage, sapat para suplayan ang clean electricity ng 2.4 million households.
Inaasahan naman na ang pasilidad ay makalilikha ng mahigit sa 10,000 na trabaho, mababawasan ang carbon emissions ng 4.3 million metric tons taun-taon, at makapagpo- produce ng halos P23 billion sa economic benefits sa susunod na dekada.
“These capabilities will help strengthen the stability of our power system, while expanding the role of clean energy in our power generation mix,” ang sinabi ni Pangulo Marcos sa nasabing proyekto.
Ang proyekto ay bahagi ng mas pinalawak na pagsisikap para gawing modernisado ang energy sector ng bansa.
“From July 2022 to May 2026, the DOE awarded 605 renewable energy service contracts,” ayon sa Pangulo.
“The government has also increased installed battery energy storage capacity from 93 MW in July 2022 to 845 MW as of May this year, and launched a 10-year Green Energy Auction Program that seeks to deliver 25 gigawatts of additional renewable energy capacity beginning in 2027,” aniya pa rin.
“These initiatives demonstrate that securing our future energy requirements means building the institutions, the systems, and partnerships that allow investments to serve the Filipino people for many generations to come,” dagdag na pahayag ng Pangulo. (KRIS JOSE)
