MANILA, Philippines – Ipapatawag ng National Bureau of Investigation (NBI) ang ilang opisyal ng Philippine Southeast Asian Games Organizing Committee (PHISGOC) bilang bahagi ng imbestigasyon sa umano’y iregularidad sa pondo ng sports complex sa New Clark City, Tarlac na ginamit noong 2019 Southeast Asian (SEA) Games.
Ayon kay NBI Director Melvin Matibag, kabilang sa ipapatawag sina PHISGOC Chair Ramon “Tats” Suzara, Chief Financial Officer Dexter Estacio, at Corporate Secretary John Lester Buenconsejo.
Sinabi ni Matibag na ipalalabas ang subpoena sa Lunes upang humarap ang mga opisyal sa NBI sa Hulyo 24.
Binanggit din ni Matibag na nagtaka siya kung bakit agad umanong nag-react si Senador Alan Peter Cayetano nang sabihin ng NBI na magsasagawa sila ng imbestigasyon, gayong hindi naman aniya nabanggit ang pangalan ng senador. RNT/MDS
