MANILA, Philippines – Sa kabila ng tag-ulan ay nakaranas pa rin ng mapanganib na lebel ng heat index ang ilang lugar sa bansa katulad ng Cavite at Quezon.
Naitala ang 43.7 degrees Celsius na heat index sa Imus City, Cavite, nitong Sabado, Hulyo 18.
“We are now under the Danger category. At this level, prolonged exposure to extreme heat carries a very high risk of heat cramps, heat exhaustion, and may even lead to heat stroke,” saad sa pahayag ng city Disaster Risk Reduction and Management Office (DRRMO).
Samantala, iniulat din ng DRRMO sa Atimonan, Quezon ang 39°C heat index sa kaparehong araw.
Tinutukoy ng PAGASA ang babala sa heat index na “caution” (27°C to 32°C), “extreme caution (33°C to 41°C), “danger” (42°C to 51°C), at “extreme danger” (52°C and above). RNT/JGC
