MANILA, Philippines – NAGPATUPAD ang Malakanyang ng Work-from-Home (WFH) arrangement sa government offices at alternative learning modes sa lahat ng antas ng mga eskwelahan ngayong araw ng Lunes, Agosto 10, bunsod ng inaasahang patuloy na pagbuhos ng malakas na ulan sanhi ng Southwest Monsoon at rekumendasyon na rin ng National DIsaster Risj Reduction and Management Council (NDRRMC).
Base sa Memorandum Circular No. 123, na ipinalabas ng Malakanyang, nilagdaan ni Acting Executive Secretary Ralph Recto sa pahintulot na rin ni Pangulong Ferdinand Marcos Jr., nakasaad dito ang mga sumusunod na lugar na kasama sa WFH arrangement sa government offices at alternative learning modes gaya ng National Capital Region (NCR), Abra, Ilocos Sur, La Union, Benguet, Pangasinan, ZambalesTarlac, Pampanga, Bataan, Bulacan, Rizal, Cavite, Batangas, Occidental Mindoro at Oriental Mindoro.
Samantala, hindi kasama sa WFH arrangement ang mga ahensyang may kinalaman sa paghahatid ng basic at health services, kahandaan at pag-responde sa mga sakuna at kalamidad.
Ang suspensyon sa trabaho at adopsyon ng alternative work arrangements para sa mga pribadong kompanya at tanggapan ay ipinauubaya na ng Malakanyang sa diskresyon ng kani-kanilang pinuno.
