MANILA, Philippines – Kinansela ng Kamara ang plenary session nito ngayong Lunes, Agosto 10, 2026 at pinayagan ang mga tauhan na mag-work from home dahil sa masamang panahon dala ng Habagat.
Sa abiso, sinabi ni House Secretary General Atty. Cheloy E. Velicaria-Garafil na ipagpapatuloy ang plenary session bukas, Agosto 11.
“In view of the heavy rainfall and flooding brought about by the Southwest Monsoon, a Work-from-Home (WFH) arrangement shall be implemented in the House of Representatives today, 10 August 2026,” aniya.
“The Plenary Session scheduled for today is likewise cancelled and shall resume tomorrow, Tuesday, 11 August 2026,” dagdag pa nito.
Nauna nang nag-anunsyo ang Malakanyang ng suspensyon ng face-to-face classes at in-person government work ngayong araw sa Metro Manila at 15 probinsya. RNT/JGC
