BAKIT hindi mapigil ang mga katiwalian at pang-aabuso sa ilang bahagi ng pamahalaan kahit paulit-ulit nang inilunsad ang mahigpit na kampanya laban dito? Sa halip na humupa, tila lalo pang lumalawak ang mga reklamo mula Luzon, Visayas hanggang Mindanao.
Kung may flood control, sa Department of Migrant Workers ay illegal recruiter ang dapat tapusin at ipinaubaya ang pagtatayo ng ahensyang tututok kung saan marami ng napahintong recruitment agency.
Ang mga armadong tunggalian at krisis sa Middle East, mahalagang matiyak na hindi napababayaan ang overseas Filipino workers. Katuwang ng pamahalaan ang DMW at Overseas Workers Welfare Administration sa pagprotekta ng kapakanan at kaligtasan ng mga Pilipinong nasa mga bansang apektado ng kaguluhan.
Hindi sapat ang mga pahayag at pangakong laban sa katiwalian. Kailangang may malinaw na pananagutan, mabilis na imbestigasyon, transparent na paggamit ng pondo, at patas na pagpapatupad ng batas.
Ang problema ay hindi lamang kung may gumagawa ng mali. Mas malaking tanong kung bakit may mga pagkakataong tila nakalulusot ang mga gumagawa nito.
Illigal recruiters huwag palusutin
Ang DMW, sa pamumuno ni Secretary Hans Leo J. Cacdac, ay may mga mekanismong nakatuon sa pagpapatupad ng batas at paglaban sa illegal recruitment. Ngunit hindi dapat dito magtapos ang laban.
Hindi dapat maging kampante ang sinomang recruiter na nag-aalok ng trabaho sa ibang bansa nang walang kaukulang awtoridad. Sa bawat biktima ng illegal recruitment, may pamilyang maaaring mawalan ng ipon, kinabukasan at pag-asa.
Kaya ang hamon sa DMW ay malinaw: huwag hayaang maging mas mabilis ang mga illegal recruiter kaysa sa gobyerno. Kung may batas laban sa kanila, dapat may sapat na lakas at tapang upang maipatupad ito.
Sa patuloy na mga reklamong may kaugnayan sa illegal recruitment, hindi sapat ang karaniwang pagbabantay. Kailangan ang mas agresibong monitoring, mabilis at masusing imbestigasyon, at mahigpit na koordinasyon ng DMW sa iba pang trabahong para sa law enforcement unit.
Kailangang mauna ang gobyerno bago pa makapang-biktima ang mga illegal recruiter, sapagkat bawat araw na pagkaantala ay maaaring mangahulugan ng panibagong biktimang mawawalan ng pera, trabaho at pag-asa.
Ang laban sa katiwalian ay hindi nasusukat sa tindi ng salita, kundi sa tapang na ipatupad ang batas kahit kanino pa ito tumama.
