MANILA, Philippines – Isinailalim ang Visayas grid sa red at yellow alert ngayong Miyerkules, Agosto 26 at nagpataas ng posibilidad ng power interruptions dahil sa unavailability ng ilang power plants.
Sa abiso, sinabi ng National Grid Corporation of the Philippines (NGCP) na itinaas ang red alert sa Visayas grid mula alas-3 ng hapon hanggang alas-9 ng gabi, kasunod ng yellow alert mula alas-2 ng hapon hanggang alas-3 ng hapon.
Muli namang itataas ang yellow alert status pagsapit ng alas-9 ng gabi hanggang alas-10 ng gabi.
Ang Visayas grid ay nag-ooperate sa 2,324 megawatts (MW) laban sa peak demand na 2,550 MW. RNT/JGC
