MANILA, Philippines – IDINEKLARA ni Pangulong Ferdinand R. Marcos Jr. ang Setyembre 11, 2026, bilang special non-working day sa Ilocos Norte para gunitain ang 109th birth anniversary ng namayapang Pangulong Ferdinand E. Marcos Sr.
Sa pahintulot ng Pangulo, pinirmahan ni Acting Executive Secretary Ralph G. Recto ang Proclamation No. 1421, araw ng Martes, Setyembre 8, idineklarang holiday upang bigyan ng pagkakataon ang mga residente ng Ilocos Norte na magpartisipa sa commemorative activities.
“It is but fitting and proper that the people of the Province of Ilocos Norte be given full opportunity to participate in the occasion and enjoy the celebration,” ang nakasaad sa proklamasyon.
Samantala, idineklara rin ng Pangulo ang Setyembre 10, 2026, bilang special non-working day sa City of Bais, Negros Oriental, upang ipagdiwang ang Hudyaka Festival: Festival of Harvest.
Si Recto, sa pahintulot pa rin ng Pangulo, tinintahan ni Recto ang Proclamation No. 1420 , araw ng Martes, Setyembre 8, dinedeklarang special non-working day sa Bais City. KRIS JOSE
