MANILA, Philippines – Posibleng magkaroon ng brownout sa Visayas at Mindanao dahil sa manipis na power reserves, ayon sa National Grid Corporation of the Philippines (NGCP).
Sa Visayas, magkakaroon ng red alert mula 2 p.m. hanggang 9 p.m., habang yellow alert mula 1 p.m. hanggang 2 p.m. at 9 p.m. hanggang 10 p.m.
May available capacity lamang na 2,205 megawatts (MW) laban sa peak demand na 2,460 MW. Hindi available ang malalaking coal plants na Therma Visayas Inc. Units 1 at 2 at Panay Energy and Development Corporation Unit 3.
Sa Mindanao, yellow alert mula 1 p.m. hanggang 4 p.m. at 5 p.m. hanggang 7 p.m. May available capacity na 2,724 MW kumpara sa peak demand na 2,552 MW.
Ayon sa NGCP, sanhi ito ng pagkawala ng Mindanao’s large coal plants na GNPower Kauswagan Units 2 at 3.
Ang red alert ay inilalabas kapag kulang ang suplay para matugunan ang demand at regulating requirement ng grid, habang yellow alert naman kapag hindi sapat ang operating margin para sa contingency requirement. RNT/MDS
