MANILA, Philippines – Naka-full alert status ang Philippine National Police sa unang parliamentary elections ng Bangsamoro Autonomous Region in Muslim Mindanao (BARMM).
“As of this date, September 11, we are on full alert status and this will last until September 30,” sinabi ni PNP spokesperson Police Colonel Allen Rae Co sa press briefing.
Sa ilalim ng full alert status, 100% ng concerned police personnel ay kailangang nasa kani-kanilang place of assignment para makatugon sa posibleng emergency at contingencies.
Ani Co, may kabuuang 10,439 tauhan ang nakatalaga sa eleksyon.
Patuloy din ang pulisya sa pagsasagawa ng intelligence gathering at validation para imonitor ang posibleng election-related security concerns. RNT/JGC
