MANILA, Philippines — Iniutos ng Sandiganbayan Third Division nitong Lunes ang paglilipat kay dating House Speaker Martin Romualdez mula Philippine General Hospital (PGH) patungo sa New Quezon City Jail sa Payatas.
Inanunsyo ni Associate Justice Karl Miranda ang kautusan matapos iharap sa korte ang resulta ng independent medical evaluation ng PGH.
Nauna nang sinabi ni PGH Medical Director Dr. Gerardo Legaspi na maaari nang ma-discharge si Romualdez “at any time” at hindi medically required ang patuloy nitong hospital confinement dahil mababa ang panganib niya sa agarang heart attack.
Nauna nang naglabas ang Sandiganbayan ng commitment order para sa pagkakadetine ni Romualdez sa New Quezon City Jail, ngunit pansamantala siyang nanatili sa ospital habang dinidinig ang kanyang kahilingan na manatili sa medical confinement.
Dinala si Romualdez sa PGH noong Setyembre 12 mula Cardinal Santos Medical Center upang sumailalim sa independent medical assessment na iniutos ng anti-graft court.
Nahaharap si Romualdez sa kasong plunder kaugnay ng umano’y P7.44-bilyong kickbacks sa flood control projects. Wala pang pinal na hatol sa kaso. Santi Celario
