MANILA, Philippines – NANAWAGAN si Pangulong Ferdinand R. Marcos Jr. sa mahigit dalawang milyong government workers na pagtibayin ang public trust at palakasin ang ‘culture of responsive, accountable, at competent public service’ habang ang bansa ay nagdiriwang ng 126th Philippine Civil Service Anniversary.
Sa mensahe ng Pangulo sa Civil Service Commission (CSC), binigyang diin nito ang mahalagang papel ng civil service sa pagtiyak na magpapatuloy at magiging matatag ang gobyerno ng mga susunod na administrasyon at pagtugon sa nag-eebolusyon na pangangailangan ng bansa.
“For more than a century, the Philippine civil service has given continuity across the succession of administrations and the changing demands of national life,” ayon jkay Pangulong Marcos.
Tinukoy nito ang merit system na nagpo-promote sa propesyonalismo at pagiging patas sa government employment, at maging sa accountability standards na gumagabay sa public office, bilang pundasyon ng isang ‘resilient bureaucracy.’
Dahil dito, hinikayat ni Pangulong Marcos ang mga civil servants na tingnan ang mga mahahalagang katangian para epektibong makapagsilbi sa mga filipino kabilang na ang ‘compassion, integrity, at competence.’
“I hope that the activities throughout Civil Service Month will also enable our agencies to examine their own practices and identify practical measures that improve the quality of service our people actually receive and enjoy,” ayon sa Pangulo.
Nanawagan din ang Pangulo sa bawat manggagawa sa gobyerno na pagtibayin ang tiwala at kumpiyansa ng mga pinoy at tumulong na bumuo ng mas malakas na ‘culture of service’ sa iba’t ibang burukrasya.
“Let us forge a stronger culture of service across our bureaucracy and prove, through our daily work, that Puso, Dangal, at Galing (Heart, Integrity, Skills) are not merely ideals we celebrate but standards we live by,” ani Pangulong Marcos.
Samantala, ipinagdiriwang ng Pilipinas ang buwan ng Setyembre bilang Civil Service Month para sa pagtatatag ng Philippine Civil Service noong Setyembre 19, 1900, sa pamamagitan ng Public Law No. 5. (Kris Jose)
