MANILA, Philippines – Dalawang crew member ang nasugatan matapos sumiklab ang sunog sa tanker vessel sa pantalan sa Calaca City, Batangas nitong Miyerkules, Setyembre 30.
Sa pahayag ng Philippine Coast Guard (PCG) ngayong Huwebes, sinabi nito na iniulat ng Coast Guard District Southern Tagalog ang pagsiklab ng sunog sa engine room ng Motor Tanker (MTKR) GINDARA sa Balayan Distillery Inc. Port sa Barangay Talisay.
“Twenty crew members were accounted for and reported safe, while two sustained injuries and were referred to medical facilities for appropriate treatment,” saad sa pahayag.
“One injured crew member was admitted to Metro Lemery Medical Center for further treatment and monitoring, while the other, who sustained an inhalational injury, was treated at Metro Calaca Hospital and later opted to be discharged against medical advice,” dagdag pa.
Ang barko ay may kargang molasses.
Agad naman na rumesponde ang mga awtoridad sa pantalan at nagsagawa ng inisyal na imbestigasyon.
Ipinadala rin ng PCG ang BRP Malapascua (MRRV-4403), isang 44-meter multi-role response vessel, para sumuporta sa firefighting at response operations.
Sa ngayon ay wala nang apoy na nakikita sa lugar bagamat mayroon pa ring usok.
