QUEZON CITY, Philippines – Pinangunahan ni QCPD Acting District Director PBGen Christopher Olazo ang Talk to Men kasama ang mga tauhan ng La Loma Police Station (PS 1) noong Oktubre 2, 2026.
Kasama ni Olazo si Acting Force Commander ng District Mobile Force Battalion PLtCol Edgar Batoon, habang pinamumunuan ni PLtCol Jose Luis Aguirre ang PS 1.
Binigyang-diin ni Olazo ang mahigpit na pagsunod sa Police Operational Procedures sa pagtupad ng tungkulin, gayundin ang mga direktiba ng Chief, PNP at Regional Director ng NCRPO.
Iginiit din niya ang kahalagahan ng mahusay na serbisyo, disiplina at pagiging propesyonal ng mga pulis.
Bago ang aktibidad, nagsagawa ang QCPD Internal Affairs Service, sa pangunguna ni PCol Samuel Guimbongan, ng inspeksyon at accounting sa mga tauhan.
Sinundan ito ng drug testing na isinagawa ng QCPD Forensic Unit sa pangunguna ni PLtCol Ana Lee Palima. DANNY QUERUBIN
