MANILA, Philippines – “Baseless assumption” lang ang sinabi ni dating Sen. Antonio Trillanes IV na siya ay “not welcome” sa Senate Impeachment Court, ayon kay Senate Impeachment Court spokesperson Atty. Reginald Tongol nitong Biyernes.
Sa isang press conference, sinabi ni Trillanes na “clear” na hindi siya welcome sa Senado matapos hindi siya bigyan ng subpoena para tumestigo tungkol sa umano’y hindi maipaliwanag na yaman ni Vice President Sara Duterte.
Pero nilinaw ni Tongol na walang ganoong ipinakitang trato ang korte kay Trillanes. “Our impeachment court and senator-judges did not have that kind of impression on former Sen. Trillanes…” ani Tongol.
“The impeachment court did not show him anything like that. So, I think that would be a baseless assumption,” dagdag niya.
Nauna rito, tinanggihan ni presiding officer Sen. Francis “Chiz” Escudero ang hiling ng House prosecution panel na mag-isyu ng subpoena kay Trillanes para humarap kinabukasan.
Paliwanag ni House Prosecutor at Bicol Saro party-list Rep. Terry Ridon, hindi niya isinama si Trillanes sa listahan ng mga testigo para sa linggong iyon, kaya hindi pa nag-isyu ng subpoena ang korte.
Dalawang araw matapos nito, binawi na rin ng prosecution ang plano nilang iharap si Trillanes.
Sa isang post, sinabi ng dating senador na siya na mismo ang nagpaalam na huwag na tumestigo dahil umano ay nahaharap sa “pressure” ang House panel.
Nang unang tanggihan ni Tongol ang akusasyon, nagtanong si Trillanes kung bakit hindi siya binigyan ng subpoena.
Ayon kay Tongol, hindi naisyuhan si Trillanes dahil hindi siya idineklara ng prosecution bilang testigo para sa linggong iyon.
“The prosecution requested it last week. But on Monday, the issuance of the subpoena for Trillanes was ready,” paggunita ni Tongol.
“The presiding officer asked Cong. Ridon who they planned to present for this week. The name of former Sen. Trillanes was not mentioned,” dagdag niya.
Para kay Tongol, hindi dapat sisihin ang korte. “It’s not the court’s fault,” sabi niya.
“If they really wanted to sit, they should have announced former Sen. Trillanes’ name on Monday,” aniya, patungkol sa prosecution.
“Because it can’t be an unfair surprise, since a witness has documents with them, and the court staff is also making preparations,” paliwanag pa niya. Ernie Reyes
