MANILA, Philippines – Nangako si Japanese Ambassador Kitagawa Katsuro na tutulong para palalimin ang Philippines-Japan strategic partnership sa panahon ng kanyang tour of duty sa Maynila.
“I shall exert every possible effort to further deepen our strategic partnership through the steady progress of cooperation in a wide range of areas such as security, economy, and people-to-people exchange,” ayon sa ambassador.
Ang pahayag na ito ni Kitagawa ay kasabay ng pagpi-presenta ng kanyng credentials kay Pangulong Ferdinand Marcos Jr., araw ng Huwebes, Oktubre 1.
Ayon sa Malakanyang, ang presentasyon ng kanyang letters of credence ay sinundan ng maikling pagpupulong upang suriin ang matatag na relasyon sa pagitan ng dalawang bansa.
Si Kitagawa ay nagkaroon ng ilang senior positions sa Ministry of Foreign Affairs ng Japan kabilang na bilang Director-General of the European Affairs Bureau at Director-General of the Disarmament, Non-Proliferation and Science Department.
Gayundin, nagsilbi rin siya sa Japanese diplomatic missions sa France at Republic of Korea.
Sa kanilang pagpupulong, nagpahayag ng ‘strong commitment’ si Kitagawa para isulong ang ‘longstanding friendship’ at Comprehensive Strategic Partnership sa pagitan ng Japan at Pilipinas, na may mas malapit na pagtutulungan sa larangan ng seguridad, economic development, at people-to-people exchanges.
Para sa Pangulo, kinilala ng Chief Executive ang longstanding relationship sa pagitan ng Pilipinas at Japan na patuloy na lumalago at nagiging malapit.
“The decades-long friendship between our two countries has reached a level never before seen in the history of our vibrant and dynamic relations. We hope to continue to foster this partnership for the benefit of both our countries and our peoples,” ayon sa Pangulo.
Sa kabilang dako, ipagdiriwang ng Pilipinas at Japan ngayong taon ang 7 dekada ng matagal na pagkakaibigan at itaas ang bilateral ties sa isang Comprehensive Strategic Partnership.
Ang Japan a second-largest trading partner ng Pilipinas noong 2025, na may total trade na umabot sa $22.2 billion. Nananatili naman itong ‘largest provider of Official Development Assistance (ODA)’ ng Pilipinas na may loan at grant commitments na may kabuuang $13.959 billion ‘as of December 2025.’
Ang dalawang bansa ay lumagda ng mas mahigit sa 300 bilateral agreements sakop ang malawak na trade and investment, defense equipment at technology, infrastructure at Mindanao development ‘as of June 2026.’ (KRIS JOSE)
