MANILA, Philippines – Ipinagtanggol ng chief of staff ni Sen. Jinggoy Estrada nitong Martes na ang ginawang pambabakbak at panlilimas sa tanggapan ng President Pro-Tempore sa 6th floor ng Senado na pawang standard practice sa Mataas na Kapulungan.
Sa pahayag ng tanggapan ni Estrada, isinuko nila nang walang gamit o “bare” ang dating opisina sa Senado kay Senate President Pro Tempore Vicente Sotto III bilang bahagi ng “standard practice.”
Ayon sa kampo ni Estrada, ipinaalam muna sa tanggapan ni Sotto bago ang deadline na Oct. 5, 2026 na ililipat nila sa bagong opisina ni Estrada ang mga fixture, kagamitan, at materyales.
Sinabi nila na karamihan sa mga ito tulad ng floor tiles, glass panels, lighting fixtures, cabinets at iba pa ay binili gamit ang personal na pondo ni Estrada dahil hindi sapat ang budget na ibinibigay ng Senado para sa lahat ng gastos.
“It bears noting that standard practice in the Senate is for the senator occupying an office to renovate the space based on the budget provided, with any expense beyond that shouldered entirely by the occupant. Let it be stressed, in no uncertain terms, that not a single centavo of public funds was wasted,” ayon sa pahayag ng tanggapan ni Estrada.
Idinagdag nila na noong 2022 nang unang i-turnover sa kanila ang opisina, “likewise bare” din ito, alinsunod sa “long-standing practice” ng Senado.
“Standard practice ito sa Senado at hindi na dapat ikagulat pa o gawin pang isyu,” sabi ng tanggapan.
“It must also be emphasized that similar instances of dismantling fixtures and materials from a vacated senator’s office have occurred in the recent past. This is neither new nor unusual — it is an established and accepted practice within the institution, and singling out this particular transition for scrutiny is both unfair and misleading,” dagdag pa nila.
Iginiit din ng kampo na sa loob ng apat na taon, nasa 6th floor lang si Estrada at extension office lang sa 5th floor ang inilaan sa kanya, hindi tulad ng ibang senador na may buong opisina sa 5th floor.
“We trust that this clarifies the matter and respectfully appeal that this routine administrative transition not be unnecessarily politicized, sensationalized, or made into a manufactured controversy where none exists,” pagtatapos ng pahayag. Ernie Reyes
