MANILA, Philippines – Tinintahan ng Pilipinas at Poland ang isang kasunduan na naglalayong palakasin ang mutual legal assistance sa mga kasong kriminal sa pagitan ng dalawang bansa.
Sinaksihan nina Pangulong Ferdinand Marcos Jr. at Polish President Karol Nawrocki sa Palasyo ng Malalanyang ang paglagda sa Agreement on Mutual Legal Assistance in Criminal Matters kasabay ng state visit ng huli sa bansa.
“The immediate connection between Poland and the Philippines is the belief in a value system and the respect for international law,” ang sinabi ni Pangulong Marcos sa isang press conference matapos ang bilateral meeting.
Magbibigay-daan din aniya ang kasunduan sa mas malawak na kooperasyon sa legal na usapin at magsisilbing hakbang para sa posibleng negosasyon ng extradition agreement ng dalawang bansa.
Inanunsyo rin ni Pangulong Marcos ang nagpapatuloy na defense cooperation sa Poland, kabilang ang pagkuha ng Pilipinas ng S-70 Black Hawk combat utility helicopters bilang bahagi ng modernization program ng Armed Forces of the Philippines.
“We welcomed in particular the steady progress in Philippines-Poland defense cooperation, which includes our acquisition of S-70 Black Hawk combat utility helicopters from Poland as part of the modernization program of the Armed Forces of the Philippines,” ang winika nito.
Tinalakay din ng dalawang lider ang pagpapalakas ng ugnayan sa trade, agriculture, science and technology, information and communications technology at cybersecurity.
Samantala, taong 2025 nagsimulang magpartisipa ang Poland bilang isang observer sa Balikatan Exercises.
Lumagda rin ang Poland sa Treaty of Amity and Cooperation of Southeast Asia noong Hulyo, sa panahon ng ASEAN chairship ng Pilipinas.
“On economic cooperation, we noted the positive trajectory of our bilateral trade and committed to supporting private sector interest in partnerships and investment opportunities,” ang sinabi ni Pangulong Marcos. (KRIS JOSE)
