MANILA, Philippines – Inilagay ng Sandiganbayan Fifth Division si Senador Jinggoy Estrada sa ilalim ng preventive suspension kaugnay sa reklamong plunder at graft na kinakaharap nito sa pagkakaugnay umano sa flood control projects scandal.
Ito na ang ikalawang 90-day preventive suspension na natanggap ni Estrada mula nang mag-isyu ng kaparehong resolusyon ang Second Division noong Hunyo kaugnay sa reklamong graft na pending pa rito.
Ipinag-utos ng Fifth Division ang kopya ng resolusyon a maipadala kay Senate President Sherwin Gatchalian sa pamamagitan ng Senate Secretary.
Hiniling sa Office of the Senate President na abisuhan ang tribunal ng aksyon nito sa loob ng limang araw matapos matanggap ang resolusyon.
Matatandaan na pinagtibay ng Fifth Division noong Setyembre ang desisyon nito noong Hulyo na tumatanggi sa mosyon ni Estrada para makapagpiyansa sa P573 milyong plunder case na kinakaharap nito sa pagkakaugnay sa iskandalo sa flood control, dahil sa kakulangan ng merito.
Ayon sa korte noong Setyembre 3, ang apela ni Estrada “failed to demonstrate any substantial error of fact or law.”
“Accused Estrada’s motion for reconsideration places considerable emphasis on circumstances which, according to him, establish that he poses no risk of flight. He repetitively points to his incumbency as a Senator, his long tenure in public service, and his history of compliance with this court’s travel conditions. The court does not disregard these, but they do not answer the main issue presently confronting the court,” sinabi ng Sandiganbayan. RNT/JGC
