MANILA, Philippines – Posibleng bumagsak sa katubigan ng Pilipinas ang debris ng Long March 8A rocket na inilunsad ng China nitong Linggo, Oktubre 25, ayon sa Philippine Space Agency (PhilSA).
“The Long March 8A rocket was launched from the Hainan International Commercial Launch Center in Wenchang, Hainan, at around 10:03AM PhST on 25 October 2026,” sinabi ng PhilSA.
Ayon sa ahensya, ang mga debris mula sa rocket launch ay posibleng bumagsak sa mga sumusunod na drop zone:
Drop Zone 1: approximately 107 NM (nautical miles) mula sa Patag Island, 122 NM mula sa Bajo de Masinloc, 164 NM mula El Nido, Palawan, at 167 NM mula sa Busuanga, Palawan; at Drop Zone 2: 42 NM mula sa Hadji Muhtamad, Basilan, 42 NM mula sa Tubbataha Reefs Natural Park, 53 NM mula sa Pangutaran Island, Sulu, at 122 NM mula sa Puerto Princesa, Palawan.
Ayon sa PhilSA, ang Drop Zone 1 ay nasa Philippine Exclusive Economic Zone (EEZ), habang ang Drop Zone 2 ay nasa Philippine archipelagic waters.
“While not projected to fall on land features or inhabited areas, falling debris poses danger and potential risk to ships, aircraft, fishing boats, and other vessels that will pass through the drop zone,” sinabi ng PhilSA.
“Additionally, the possibility of an uncontrolled re-entry to the atmosphere of the rocket’s upper stages returning from outer space cannot be ruled out at this time,” dagdag pa.
Inabisuhan nito ang publiko na ipaalam sa mga awtoridad kung may makikitang kahina-hinalang debris. RNT/JGC
