MANILA, Philippines – Nangako sina Senate President Sherwin Gatchalian at Sen. JV Ejercito na aalisin sa panukalang 2027 national budget ang mga proyektong walang sapat na dokumentong magpapatunay sa pangangailangan ng mga ito.
Sa pahayag nitong Biyernes, sinabi ni Gatchalian na tatanggalin ng Senate Committee on Finance sa General Appropriations Bill (GAB) ang mga proyektong walang kinakailangang papeles mula sa mga lokal na pamahalaan at pambansang ahensya.
“The Senate committee on finance will remove from the General Appropriations Bill all projects lacking supporting documents, such as feasibility studies, programs of work, resolutions from the LGUs, and other required documents,” ani Gatchalian.
“We will continue the transparency reforms by uploading all relevant information to the Senate Transparency Portal,” dagdag niya.
Nagbigay rin ng kaparehong pangako si Ejercito, chairman ng Senate Committee on Finance.
“We need to boost our infrastructure spending, but not at the expense of the reforms we want to be instituted,” pahayag ni Ejercito.
“Every delayed project has an economic cost. And every anomalous, poorly vetted project costs us even more: it wastes taxpayers’ money, deprives endangered communities of safety, and erodes public trust,” dagdag niya.
Naglabas ng pahayag si Ejercito matapos makipagpulong sa kasalukuyan at dating kalihim ng Department of Public Works and Highways (DPWH) na sina Giovanni Lopez at Vince Dizon, na ngayon ay namumuno sa Department of Transportation.
Si Lopez ay itinalagang bagong kalihim ng DPWH nitong Lunes, habang si Dizon ang nangasiwa sa paghahanda ng panukalang budget ng ahensya para sa 2027.
Ayon kay Ejercito, nagpadala siya ng pormal na liham kay Lopez at itinakda ang Nobyembre 3, 2026 bilang deadline ng DPWH sa pagsusumite ng kumpletong dokumento at katwiran para sa 6,271 infrastructure project na idinagdag sa bersyon ng GAB ng Kamara.
Batay sa datos ng komite ni Ejercito, tumaas mula 11,420 sa National Expenditure Program (NEP) o panukalang budget ng ehekutibo ang bilang ng mga infrastructure project ng DPWH sa 16,244 sa GAB. Nangangahulugan ito na may 6,271 bagong proyekto na wala sa orihinal na NEP.
Sa liham kay Lopez, binanggit ni Ejercito ang mga repormang sinimulan noong panahon ni Dizon at hinimok ang bagong pamunuan na ipagpatuloy ang mahigpit na pagsusuri sa mga proyekto.
“Under the leadership of Secretary Vince Dizon, the DPWH committed that it will ensure that all infrastructure projects proposed for funding comply with the agency’s documentary requirements,” bahagi ng liham.
“We must continue to ensure that public funds are allocated to projects that are properly justified, implementation-ready, and responsive to the needs of our constituents,” dagdag niya.
Tiniyak umano nina Lopez at Dizon ang kanilang buong pakikipagtulungan at kinumpirmang ipatutupad ng DPWH ang masusing pagsusuri upang maalis ang mga kuwestiyonable at hindi sumusunod sa mga rekisito bago umabot sa plenary debates ang panukalang pambansang budget. RNT/MDS
