MANILA, Philippines – Hindi sinang-ayunan ng counsel ni detained preacher Apollo Quiboloy ang depensa ni Akbayan party-list Representative Percival “Perci” Cendaña na freedom of speech sa libel at cyber libel complaint na inihain ng religious leader laban sa mambabatas.
Si Quiboloy, sa pamamagitan ng legal counsel nitong si Ferdinand Topacio, ay naghain ng reklamo laban kay Cendaña, Mamamayang Liberal party-list Representative Leila de Lima, at Senator Risa Hontiveros noong Setyembre.
“The statements of Mr. Cendaña went beyond the bounds of permitted commentary, and clearly crossed the line into criminal defamation,” sinabi ni Topacio.
“We will prove malice in view of a long history of ill-will against Pastor Quiboloy, and a long-running intention to malign his good name,” dagdag pa.
Inakusahan ni Topacio si Cendaña sa panggigipit kay Quiboloy para sa selfish political agenda.
Naghain naman ng counter-affidavit si Cendana nitong Biyernes kaugnay sa reklamong inihain laban sa kanya.
Ang reklamo ay nag-ugat sa panayam sa radyo kung saan sinabi ni Cendaña na, “Nakita naman natin kung papaano isa-isa ‘yung mga witnesses tinatakot at hinaharass nila para bumaligtad, ‘no? At kahit ‘yung mga biktima, tinakot at hinarass nila para hindi ituloy ang laban.”
Nag-isyu ng komento ang mambabatas kaugnay sa mga reklamong kinakaharap ni Quiboloy kabilang ang qualified human trafficking, child abuse, at sex trafficking sa Estados Unidos at dito sa Pilipinas.
Tinukoy ni Cendana sa kanyang affidavit ang free speech na nakapaloob sa Article III, Section 4 ng 1987 Constitution.
“The complainant has not established the elements necessary to bring my statements outside the protection afforded to good faith public commentary under the Constitution and applicable jurisprudence,” sinabi ni Cendaña. RNT/JGC
