BENGUET, Philippines – Nabalutan ng frost o manipis na yelo ang mga bulaklak sa isang farm tourism destination sa Atok, Benguet nitong Huwebes ng umaga, ikinagulat ng may-ari nito dahil inaasahan niyang mangyayari lamang ito sa panahon ng Kapaskuhan.
Huling naitala ang frost sa Atok noong Disyembre 2025 kaya mas maaga ang paglitaw nito ngayong taon. Gayunman, sinabi ni Haight na hindi na bago ang frost tuwing Nobyembre, bagama’t hindi na niya matandaan kung kailan ito huling nangyari.
Hindi naman napinsala ang mga halaman dahil manipis lamang ang kumapit na yelo. Inaasahan niyang mas kakapal ang frost sa huling bahagi ng Enero hanggang Pebrero, kung kailan karaniwang mas matindi ang lamig sa lugar.
Nauna nang sinabi ng Philippine Atmospheric, Geophysical and Astronomical Services Administration (PAGASA) na umiiral na ang “very strong” El Niño sa tropical Pacific. Inaasahang magpapatuloy ito hanggang sa unang kalahati ng 2027 at posibleng umabot sa pinakamataas na lakas bago matapos ang taong ito.
Ayon pa sa PAGASA, inaasahan ang below-normal hanggang way-below-normal na pag-ulan sa karamihan ng bahagi ng bansa ngayong Nobyembre, bagama’t maaari pa ring magkaroon ng malalakas na pag-ulan dahil sa mga bagyo at iba pang weather system. RNT/MDS
