MANILA, Philippines – Nagbitiw na bilang chief executive officer (CEO) ng Nvidia si Jensen Huang sa gitna ng kontrobersiya sa kanyang personal na relasyon sa isang babaeng pinaghihinalaang espiya ng China.
Kinumpirma ng Nvidia nitong Huwebes, Nobyembre 12, na agad na naging epektibo ang pagbibitiw ni Huang bilang CEO, presidente at miyembro ng board of directors ng kumpanyang nangunguna sa paggawa ng advanced chips para sa artificial intelligence (AI).
Itinalaga naman si Chief Financial Officer Colette Kress bilang interim CEO habang naghahanap ang kumpanya ng permanenteng kapalit ni Huang.
Nag-ugat ang kontrobersiya sa mga ulat na nagkaroon umano ng relasyon si Huang sa Chinese business executive na si Alice Huang, na pinaghihinalaan ng mga awtoridad sa Estados Unidos na may kaugnayan sa intelligence operations ng Beijing.
Ayon sa ulat ng Reuters at Agence France-Presse (AFP), lumabas din ang mga alegasyon tungkol sa isa pang relasyon ni Huang sa isang senior executive ng Nvidia.
Noong Nobyembre 8, inamin ni Huang sa isang mensahe sa mga empleyado na nagtaksil siya sa kanyang asawa at humingi ng paumanhin sa kanyang pamilya at mga kasamahan sa kumpanya.
Nagpasimula rin ang Nvidia ng independent investigation upang alamin kung naging target ang dating CEO ng isang foreign intelligence operation.
Gayunman, nilinaw ng board na wala pa itong dahilan upang maniwalang nakompromiso ang mga lihim ng kumpanya o ang pambansang seguridad ng Estados Unidos.
Sa kabila ng mga kontrobersiya, hindi nagbigay ng opisyal na dahilan ang Nvidia sa pagbibitiw ni Huang, na namuno sa kumpanya sa loob ng 33 taon mula nang itatag ito noong 1993.
Samantala, itinalaga rin si Harvey C. Jones bilang bagong chairman ng board habang nagpapatuloy ang paghahanap sa permanenteng CEO.
Nakatakda pa ring ilabas ng Nvidia ang quarterly financial results nito sa Nobyembre 17. Dave Medina
